• 30 Қыркүйек 2020

«Ұлы даланың дегдар тұлғалары» атты көрме-дәрісі өтті

«Әзірет Сұлтан» мемлекеттік тарихи-мәдени қорық-музейінің ұйымдастыруымен Қазақстанның халық жазушысы, мемлекет және қоғам қайраткері Әбіш Кекілбаевтың және Халық жазушысы, ақын, қоғам қайраткері Фариза Оңғарсынованың 80 жылдығына арналған «Ұлы даланың дегдар тұлғалары» атты көрме-дәрісі өтті.

Түркістан қаласындағы №3 Әмір Темір және №2 Хамза атындағы жалпы орта мектептерінде ұйымдастырылған көрме-дәрісте тұлғалардың өмірі мен қызмет жолдарынан тарихи суреттер, олардың қайраткерлігі мен жарық көрген еңбектері жайлы мәліметтер қойылып, түсіндіру жұмыстары жүргізілді.

Көрмеге оқушылар да қызығушылық танытып, белсенділікпен атсалысты.

«Әзірет Сұлтан» мемлекеттік тарихи-мәдени қорық-музейінің баспасөз қызметі

Алдыңғы ақпарат

Цитадель қамалы қайта қалпына келтірілуде

Келесі ақпарат

«Түркістанда жерленген хандар мен сұлтандар» кітабының тұсаукесері өтті