Бос орындар

Қазақстан Республикасы Мәдениет және спорт министрлігі, Мәдениет комитетінің «Әзірет Сұлтан» мемлекеттік тарихи-мәдени музей-қорығы» РМҚК лауазымдардың бос орындарына конкурс өткізу туралы хабарлама

Түркістан облысы, Түркістан қаласы, Әйтеке би 1Б, анықтама үшін телефон 8(725-33) 3-23-00, электрондық почта: azret-sultan@mail.ru төмендегі лауазымдардың бос орындарына конкурс жариялайды:

  1. Экскурсовод (В2-4), 1 бірлік, негізгі жұмыскер бала күтіміне байланысты демалыста болған 2025 жылғы ақпан айына дейінгі уақытына

Лауазымдық міндеттері: экспозициялар, көрмелер, ашық сақтау қорлары мен музей нысандарына экскурсиялар жүргізеді; ішкі тәртіп актілері мен әдіскердің ұсыныстарына сәйкес экскурсияларға қосымшалар мен өзгерістер енгізеді; экскурсиялар өткізу әдістемесін жетілдіру жұмыстарын жасайды; мәдени-ағартушылық  іс-шаралардың ұйымдастырылуы мен өткізілуіне, әдістемелік ұсынымдарды даярлауға және экскурсия бойынша ұсынымдар тыңдауға қатысады.

Білуі тиіс: Конституцияны; Еңбек кодексін; Қазақстан Республикасының «Мәдениет туралы», «Тарихи-мәдени мұра нысандарын қорғау және пайдалану туралы», «Сыбайлас жемқорлықпен күрес туралы» заңдарын; өз мамандығының ерекшелігін ескере отырып, мәдениет тарихын, этнография мен археологияны, музей ісіне байланысты жетекші материалдарды, ғылыми-ағартушылық жұмыс мәселелері бойынша жаңа зерттеулер мен әдістемелік әдебиеттерді, экскурсия мен дәрістердің тақырыбын, отандық және шетелдік музейлер экскурсияларының, дәрістік жұмыстарының озық тәжірибесін, ішкі еңбек тәртібінің ережелері, өрт қауіпсіздігінің талаптарын, көпшілікпен жұмыс істей алуды (сөйлеу мәнері, дауыс ырғағын, этика және эстетиканы сақтау),

     Бiлiктiлiкке қойылатын талаптар: жұмыс өтіліне талаптар қойылмай, педагогикалық ғылымдар (гуманитарлық пәндер бойынша) және/немесе өнер және гуманитарлық ғылымдар және/немесе әлеуметтік ғылымдар, журналистика және ақпарат және/немесе қызметтер (туризм) бағыттары бойынша жоғары (немесе жоғары оқу орнынан кейінгі) білім;

  1. Кіші ғылыми қызметкер (В1-4) негізгі жұмыскер бала күтіміне байланысты демалыста болған 2024 жылғы наурыз айына дейінгі уақытына

Лауазымдық міндеттері: Жауапты орындаушы ретiнде тақырыптың жеке бөлiмдерi (кезеңдері, тапсырмалары) бойынша ғылыми зерттеулер және әзірлемелер өткiзедi немесе ғылыми жетекшiмен бiрлесiп күрделi тәжiрибелер мен бақылауларды жүзеге асырады. Алдыңғы қатарлы отандық және шетел тәжiрибесiн, бақылаулар мен тәжiрибелер нәтижелерін, ғылыми-техникалық мәлiметтерін жинайды, өңдейді, талдайды, қорытындылайды. Баспасөз беттерінде мақалалар жариялайды. Олардың нәтижелерiн қолдану бойынша зерттеулер мен әзірлемелердің жоспары мен әдiстемелiк бағдарламаларын, практикалық ұсыныстарды құрастыруға қатысады. Тақырып немесе оның бөлiмi (кезең, тапсырма) бойынша есептер (есеп бөлiмдерi) жасайды. Зерттеулер мен әзірлемелердің нәтижелерiн енгiзуге қатысады. Баспасөз беттерінде ғылыми, танымдық мақалалар жариялау; Тақырыптық және кезең (немесе тапсырма) бойынша бөлім есептерін жасау; музей ісі бойынша  ғылыми әдебиеттер, белгілі бір тақырыпта өлке тарихын жинау мен зерттеуді ұйымдастыру;

Білуі тиіс: Конституцияны; Еңбек кодексін; Қазақстан Республикасының «Мәдениет туралы», «Тарихи-мәдени мұра нысандарын қорғау және пайдалану туралы», «Сыбайлас жемқорлықпен күрес туралы», «Мемлекеттік мүлік туралы» заңдарын; музей құндылықтарын есепке алу және сақтау жөніндегі нұсқаулықты, жәдігерлерді қалпына келтіру технологиясын, музей заттарын есепке алу және сақтау саласындағы отандық және шетелдік музейлердің алдыңғы қатарлы тәжірибелерін, ішкі еңбек тәртібінің ережелері, өрт қауіпсіздігінің талаптары.

Біліктілікке қойылатын талаптар Тиісті мамандық бойынша жоғары оқу орнынан кейінгі бiлiм (магистратура, доктарантура) және ғылыми қызметкерлік жұмыс тәжiрибесi және музей саласында кемiнде 5 жыл жұмыс стажы,  өнертабыс пен ғылыми еңбектерге авторлық куәлiк қағаздарының бар болуы. Ғылыми дәрежесі болған жағдайда-жұмыс стажына талап қойылмайды.

Конкурсқа қатысуға үміткер тұлға конкурс өткізу туралы хабарландыруда көрсетілген мерзімде мынадай құжаттарды ұсынады:
1) конкурсқа қатысу туралы өтініш;

2) жеке куәліктің көшірмесі;

3)толтырылған кадрларды есепке алу жөніндегі жеке парақ (нақты тұратын мекен-жайы мен байланыс  телефондарын көрсетіп)

4)түйіндеме;
5) еркін нысанда жазылған өмірбаян;

6) білімі туралы құжаттары (нотариалды куәландырылған көшірмелері);

7) еңбек кітапшасының (ол болған кезде) немесе еңбек шартының көшірмесі не соңғы жұмыс орнынан жұмысқа қабылданғаны және еңбек шартының тоқтатылғаны туралы бұйрықтардың көшірмелері;

8) Қазақстан Республикасы Денсаулық сақтау министрінің м.а. 2020 жылғы 30 қазандағы № ҚР ДСМ -175/2020 бұйрығымен бекітілген № 075/у нысанындағы медициналық анықтама

9) конкурсқа қатысушы наркологиялық есепте тұрмауы туралы наркологиялық ұйымынан анықтама;

10) конкурсқа қатысушы психоневрологиялық есепте тұрмауы туралы психоневрологиялық ұйымынан анықтама;

11) конкурсқа қатысушы  туберкулезға қарсы ұйымнан есепте тұрмауы туралы анықтама;

12)  3х4 фото (3 дана)

13) соттылығы жоқ туралы анықтама

14) сыбайлас жемқорлыққа қатысы бар не жоқ екендігі туралы анықтама

Конкурсқа қатысушы өзінің біліміне, жұмыс өтіліне, кәсіби даярлық деңгейіне қатысты қосымша ақпаратты (біліктілігін арттыру, ғылыми дәрежелер мен атақтар беру, ғылыми жарияланымдар туралы құжаттардың көшірмелері, шет тілдерін меңгеру деңгейін анықтайтын кәсіби емтихан нәтижелері туралы сертификат көшірмелері, сондай-ақ бұрынғы жұмыс орнының басшылығынан ұсынымдар және т.с.) бере алады.

Конкурсқа қатысушы үміткер тізбеге сәйкес құжаттар тізімін толық ұсынбаған жағдайда конкурсқа өтініш қабылдаудан ерікті түрде бас тартуға негіз болып табылады.

Конкурсқа қатысу үшін құжаттарды қабылдау хабарландыру жарияланған сәтінен бастап 15 (он бес) күнтізбелік күн ішінде жүргізіледі.

 

Кадр инспекторы Мөлдір Айдарханова
тел.: +7 771 319 2878
email: a_moldir82@mail.ru