«Қасиетті Түркістан жеріне келген сайын ерекше тебіренемін. Мұнда исі қазақтың елдігі мен ертеңін ойлап, тебінгісінен тер төгіп жүріп өмір кешкен хан да, би де, батыр мен бағлан да мәңгіге тыныстап жатыр. Олардың өшпес рухы, халық үшін атқарған қайрат-жігерге толы қызметінің қасиеті әрбірімізді жебеп-желегей дегім келеді». Н.Назарбаев

Киелі Түркістан қаласындағы Әулие бабамыз Қожа Ахмет Ясауи кесенесі түркі халықтарының, оның ішінде қазақ халқының айрықша құрмет етіп, тәбәрік тұтар мекені. Толығымен »

Қожа Ахмет Ясауидің «Диуани хикмет» жинағы көптеген ғасырлар бойы халқымыздың рухани әлемінде шешуші мәнге ие болып келді. Бұл еңбек иісі түркілердің ұлттық дүниетанымындағы түбегейлі өзгерістерге негіз болып, оның ислами аяда қайта қалыптасуына игі ықпал етті. Әсіресе, қазақ халқының ұлттық менталитетінің қалыптасуына тигізген бұл еңбектің әсері орасан зор. Президентіміз Н.Ә.Назарбаевтың: «Егер қазақтардың рухани тарихы жазыла қалса, Қожа Ахмет Ясауидің хикметтері («Даналық сөздері») оның бір бөлігі болып кіруге тиіс», - деген пікірінің жайдан-жай айтылмағаны анық. Бұл, әсіресе, «халық даналығы» деп айтылатын мақал-мәтелдерден ерекше байқалады. Толығымен »

«Әзірет Сұлтан» мемлекеттік тарихи-мәдени қорық мұражайының қорындағы халқымыздың рухани байлығы көне құнды жәдігерлерімізді халық игілігіне ұсынып, ғылыми айналымға ендіру мақсатында оларды зерттеу, зерделеу жұмыстары атқарылуда. Осы мақсатқа сай жақында жәдігерлердің сипаттамасы каталог түрінде басылып шықты. Аталмыш каталогтар: «Құран кітаптары», «Тиындар», «Асханалық ыдыстар» деген тақырыптық топтарға бөлінген үш кітапша түрінде жарық көрді. Толығымен »

Сарыарқаның төрінде орналасқан Елордамыз – Астана қаласы қазақ елінің бойтұмары. Соңғы жылдары Астана қаласы қазақ халқының рухани, мәдени өмірін танытуға, жергілікті тұрғындарға және шетелдік қонақтарға кеңінен насихаттауға бағытталған іс-шаралардың өткізілуіне ұйытқы болып келеді. Елбасы Н.Ә.Назарбаевтың есімін иемденген Қазақстан Республикасы Тұңғыш Президенті музейі еліміздегі іргелі мәдени орталықтардың бірі. Аталған музейде үстіміздегі жылдың 25 маусымында «Шырайлы Оңтүстіктің шежіресі» атты Оңтүстік Қазақстан облысының кезекті көшпелі көрмесі ашылды. Толығымен »

Көшпенді дала халқы әскери өмірімен қатар күн көрісінде негізінен қару-жараққа сүйенген. Ердің бес қаруы бойына жарасқан кезде ғана күш-қуаты толысып, нағыз ерлікке талпынатын сәті туады деп санаған. XVI ғасырда өмір сүрген ағылшын саяхатшысы және елшісі Антони Дженкинссонның айтуынша, «көшпелілер аңға шықса да, көңіл көтеруге барса да, ешқашан садақ, жебе, қанжарын тастамаған». Қаруланып жүру заңды құқық қана емес, сонымен қатар міндет болып та табылады. Қарусыз адамның халықтық жиналыста дауыс беруге еркі болмаған, ал жасы кішілер оған орын да бермеген. Толығымен »

Қожа Ахмет Ясауи кесенесінің тарихына назар сала отырып, әлі де біз үшін сыры мол, құпиялы жайттардың жеткілікті екендігін аңғарамыз. Қазақтың ел билеген ұлы тұлғаларының, игі жақсыларының Түркістандағы Әзірет Сұлтан кесенесінде жерленгендігін анықтау біз үшін беймәлім көптеген жайттардың басын ашары анық.
Қожа Ахмет Ясауи кесенесінде жерленген тарихи тұлғаларды толықтай зерттеп, аты-жөндерін, өмір жолын, қылған қызметін халыққа таныту қазіргі кезде ғана жолға қойыла бастады. Қолда бар мәліметтерге сүйенсек, мұнда жүзден астам игі жақсылардың сүйегі жатыр. Олар хан-сұлтандар, абыздар мен билер, батырлар мен бағландар, бір сөзбен айтқанда, халықтың бетке ұстар қайраткерлері. Енді олардың Әзірет Сұлтан кесенесіне жерленгендегі мақсаттары не еді деген мәселеге тоқталсақ. Толығымен »

Тарихтан XVIII ғ. Ескі Түркістан қаласында екі хан ордасы (цитадель) қатар өмір сүргенін білеміз. Бұл жайлы И.В. Ерофееваның «Казахские ханы и ханские династии в XVIII – середине XIX вв.» деген еңбегінен және Б.Т. Тұяқбаева мен А.Н.Проскуриннің «Проект регенерации цитадели в городе Туркестане» деген мақаласынан толыққанды деректер табуға болады.
2010 жылы мамыр мен маусым айларының аралығында Хан ордасы территориясында археологиялық қазба жұмыстары жүргізілді. Толығымен »