Әзербайжан астанасы Бакудегі Әзербайжан Ұлттық тарих музейінде Қазақстанның көне Түркістаны мен Қожа Ахмет Ясауи мұрасына арналған «Көгілдір күмбез құпиясы» халықаралық көрмесі ашылды. Экспозицияны «Әзірет Сұлтан» Ұлттық тарихи-мәдени музей-қорығы әзірледі. Көрменің ашылуына музей-қорық директоры Ерлан Дәкенов қатысты.

Іссапар аясында «Әзірет Сұлтан» Ұлттық тарихи-мәдени музей-қорығы мен Әзербайжан Ұлттық тарих музейі арасында ынтымақтастық туралы меморандумға қол қойылып, мәдени мұраны сақтау мен зерттеу, мамандар алмасу және бірлескен ғылыми-мәдени жобаларды іске асыру бағыттары айқындалды.

Азамат Әлібек, баспасөз хатшысы.