1 мамыр – Қазақстан халқының бірлігі күні – елдегі бейбітшілік пен татулықты, ынтымақ пен өзара құрметті айшықтайтын ерекше мереке. Бұл күн – көпұлтты халқымыздың бір шаңырақ астында тату-тәтті өмір сүріп жатқанын паш ететін маңызды дата.

Қазақстанда түрлі ұлт пен ұлыс өкілдері өзара түсіністік пен сыйластық негізінде өмір сүруде. Әрбір этностың тілі, мәдениеті мен салт-дәстүрі сақталып, дамуына кең мүмкіндік жасалған. Осындай келісім мен жарасым – еліміздің ең басты байлығы әрі тұрақты дамудың берік негізі.

Бірлік – жай ғана ұғым емес, ол – ортақ мұратқа бастайтын қуатты күш, жарқын болашаққа деген сенімнің символы. Халқымыздың ынтымағы мен достығы әрдайым нығайып, елімізде тыныштық пен тұрақтылық салтанат құра берсін.

Айтулы мереке қарсаңында кітап көрмесі ұйымдастырылды. Көрмеге қойылған туындылар ел бірлігі, достық пен татулық тақырыптарын арқау етіп, оқырманға рухани азық сыйлайды. Кітап – ұлттың жадын жаңғыртып, сананы серпілтетін асыл қазына, бірлік пен парасаттың алтын көпірі.

М.Көпеева, кітапханашы.