«Әзірет Сұлтан» Ұлттық тарихи-мәдени музей-қорығының ұйымдастыруымен Ясауи музейінде балаларға арналған «Ясауи атамыздың шын қазынасы» анимациялық фильмінің тұсаукесері өтті. Шараны музей-қорық басшысы ашып, жобаның маңызын атап өтті.

Іс-шарада музей-қорық директорының орынбасары Мұрат Тастанбеков, ясауитанушы ғалым Досай Кенжетай, археолог-ғалым, музей ардагері Марат Тұяқбаев, Turkistan TV телеарнасының Ақпараттық-сараптамалық хабарлар дирекциясының директоры Ғани Қалмаханов және ҚР құрметті журналисі Роза Нарымбетова сөз сөйлеп, туындының тәрбиелік мәніне тоқталды.

Анимациялық фильмнің авторы – Ясауитану ғылыми орталығының ғылыми қызметкері Сұлтан Байсейіт. Туынды орталықтың Ғылыми жарияланымдар және медиакоммуникация бөлімі қызметкерлерінің бірлескен еңбегі нәтижесінде дүниеге келді.

Азамат Әлібек, баспасөз хатшысы.