Жаңалықтар

Ататүрік атындағы орта мектептің 5 сынып оқушыларына «Әзірет Сұлтан» қорық-мұражайының қызметкері К.Асетова «Елімнің бақытын тербеткен тәуелсіздік» тақырыбында дәріс беріп қайтты. Оқушыларды Отанды сүюге, туған еліне, жеріне деген сүйіспеншілігін арттыру, жауапкершілікке, елге, жерге деген патриоттық сезімдерін ояту, елінің мұрасын жалғастырушы азамат болуға тәрбиелеу мақсатында сабақ өткізілді.

«Әзірет Сұлтан» қорық-мұражайының қызметкері Д.Садуақасов Тәуелсіздіктің 25 жылдық мерейтойы аясында 19 қаңтар күні «Тәуелсіздіктің таңы» тақырыбында қаламыздағы № 9 Н.Некрасов атындағы орта мектебінің 8-9 сынып оқушыларына дәріс өткізіп қайтты. Дәріс мақсаты өскелең ұрпаққа патриоттық тәрбие беру.

Еліміздегі бірегей Бүкіләлемдік мұралар тізіміне енген Қожа Ахмет Ясауи кесенесіне жыл санап Ресей, Қытай, Моңғолия, Өзбекстан, Түркіменстан, Тәжікстан және Еуропа елдерімен қатар, АҚШ сынды шет мемлекеттерден келушілер саны артып келеді.  Келген қонақтарға сапалы қызмет көрсету, еліміздің тарихынан сыр шертетін құндылықтарымызды өз деңгейінде дәріптеп көрсету кезек күттірмейтін мәселе. Осыған орай, «Әзірет Сұлтан» мемлекеттік тарихи-мәдени қорық-мұражайы Қожа Ахмет Ясауи кесенесінің Құжыра бөлмесінен шағын кинозал ашты.

Халқымыз салт-дәстүрінің білгірі, еліміздегі мұражай ісінің дамуында өзіндік қолтаңбасын қалдырған мемлекет және қоғам қайраткері, ғалым-этнограф Өзбекәлі Жәнібековтің туғанына биыл 85 жыл. Осыған орай, 19 қаңтар күні «Әзірет Сұлтан» мемлекеттік тарихи-мәдени қорық-мұражайында «Өмірі өнегелі Өзбекәлі» көрмесінің тұсаукесері болып өтті. Көрменің ашылу салтанатын «Әзірет Сұлтан» қорық-мұражайының директоры Ж.Әубәкір ашып, Ө.Жәнібековтің еліміздің мәдени-рухани дамуына қосқан үлесіне тоқталды.

Беттер