Жаңалықтар

Түркістандағы Күлтөбе қалашығының солтүстік бөлігінен қоқан және қазақ үйлерінің орны, тандыр және ұстындар шоғыры анықталды.

ҚР Мәдениет және спорт министрлігінің Түркістан қаласындағы ортағасырдағы тарихи-мәдени мұра объектілерінің тарихи келбетін анықтау және қалпына келтіру мен оларды танымал туристік орталыққа айналдыруға арналған жобасы аясында ағымдағы жылдың 17 қаңтарынан бастап Күлтөбе қалашығының солтүстік бөлігінде археологиялық қазба жұмыстары басталған болатын.

Түркістан облысы Туризм және сыртқы байланыстар басқармасының ұйымдастыруымен туризм саласы бойынша "Туризм үздігі-2018" салтанатты іс-шарасы өтті. Жиынға облыс әкімінің орынбасары Е.Тасжүреков қатысып, облыс әкімі Жансейіт Түймебаевтың «Тарихи-мәдени туризмді дамытуға қосқан үлесі үшін» номинациясымен «Әзірет Сұлтан» мемлекеттік тарихи-мәдени қорық-музейін марапаттады.

Қазақстан Республикасы Премьер-Министрінің бірінші орынбасары А.Мамин, ҚР Мәдениет және спорт министрі Арыстанбек Мұхамедиұлы Түркістан қаласын дамытуға арналған іссапар барысында «Әзірет Сұлтан» мемлекеттік тарихи-мәдени қорық-музейіне қарасты «Хан мешіті», «Хан ордасы» және Күлтөбе қалашығы мен «Жеті ата», «Дарбаза», «Мүсәлла», «Тәкия» қақпаларын аралады.

16 желтоқсан - Қазақстан Республикасы Тәуелсіздігінің 27 жылдық мерекесіне орай «Әзірет Сұлтан» мемлекеттік тарихи-мәдени қорық-музейінде мерекелік салтанатты жиын өтті.

Шараға музей ұжымы және қалалық білім беру орындарының басшылары және қорық-музейге еңбегі сіңген ардагерлер қызметкерлер қатысты. 

«Әзірет Сұлтан» мемлекеттік тарихи-мәдени қорық-музейінде ортағасырлық тарихи құдық іске қосылды. Қожа Ахмет Ясауи кесенесінде ХІҮ ғасырда негізі қаланған құдықты ас суға пайдалану үшін пайдаланған. Кесене құрылысы аяқталған соң «жамағатхана» бөлмесіндегі алып Тайқазанға су толтырылып, зияратшыларға арнайы тарқатылып отырғаны белгілі. Құдық ХІХ ғасырдың бастапқы ширегіне дейін жұмыс жасаған. 1992-1999 жылдар аралығында Түркияның «Вакф Иншаат» фирмасы кесенеге жүргізілген реставрациялық жұмыстарға байланысты құдық суы мүлде жабылған болатын. 

«Әзірет Сұлтан» мемлекеттік тарихи-мәдени қорық-музейінде жемқорлыққа қарсы күресті насихаттау мақсатында «Сыбайлас жемқорлықпен күрес қоғамдағы ең өзекті мәселе» атты көрме-лекция ұйымдастырылды. 

Музей кітапханашысы Меруерт Көпеева қатысушыларға қоғамның кез - келген ортасында сыбайлас жемқорлықты алдын алу, рухани тәлім-тәрбиені бойға терең сіңіре отырып, жаман әдет жат қылыққа бой алдырмау, сыбайлас жемқорлыққа қарсы күрес туралы заңдарды негізге ала отырып, құқықтық мағлұматқа баса назар аудару жайлы ой бөлісті.

Ел Тәуелсіздігінің 27 жылдығына орай «Әзірет Сұлтан» мемлекеттік тарихи-мәдени қорық-музейінің ұйымдастыруымен Түркістан қаласының Абай атындағы мектеп-интернатында «Тәуелсіздік – Ұлы дала ұрпағына аманат» көрмесі мен «Тәуелсіздік – Мәңгілік ел тұғыры» атты мерекелік іс-шара өтті.

Салтанатты жиынды қорық-музейдің ғылыми зерттеу бөлімінің меңгерушісі Берік Байболов пен Абай атындағы мектеп-интернатының директор орынбасары Сұлтанов Махмуд Уайсулы ашып берді.

Беттер