Жаңалықтар

«Әзірет Сұлтан» мемлекеттік тарихи-мәдени қорық-музейінің директоры Нұрболат Ахметжанов музей ұжымына жаңа орынбасарын таныстырды.

Қазақстан Республикасы Мәдениет және спорт министрі Арыстанбек Мұхамедиұлының бұйрығына сәйкес, Тастанбеков Мұрат Мейірбекұлы «Әзірет Сұлтан» мемлекеттік тарихи-мәдени қорық-музейі» республикалық мемлекеттік қазыналық кәсіпорны директорының ғылыми жұмыстар жөніндегі орынбасары болып тағайындалды. 

ЕРАЛИЕВА САЛТАНАТ АСЫЛХАНҚЫЗЫ: Елбасы Нұрсұлтан Әбішұлы Назарбаев 2019 жылды "Жастар жылы" деп жариялады. Елімізді өсіп-өркендету мен дамытуға білімді, білікті жастар еңбекте қалыптасып келе жатқан тәжірибесі арқылы қол жеткізері сөзсіз. Елбасымыздың жариялаған айтулы жылын Біз Жастар дұрыс бағытта пайдаланып, жаңа жаңалықтар мен мүмкіндіктерге бейімделіп, іс жүзінде көрсетуіміз қажет.

Қожа Ахмет Ясауи өмір сүрген заманның рухын көрсету мақсатымен Түркістан қаласы аумағындағы ең көне қоныстардың бірі Күлтөбе қалашығы қайта жаңғыртылады. 

Күлтөбе – бұл б.з.д. ІІ ғасырдан бастау алатын Қазақстандағы алғашқы сәулет құрылыстары бар қалашық. Археологиялық зерттеу жұмыстарының негізінде қаланың 27 га аумағында, үш жыл ішінде 50-ден астам іздері сақталған құрылыстарды салу жоспарлануда.
2019 жылы - крест тәрізді цитадельді қалпына келтіру, 2020 – 2021 жылдары – рабадты қайта қалпына келтіру.

Ыстамбұл қаласынан келген тарихшы-ғалым, Қожа Ахмет Ясауидің 27-ші ұрпағы, «Yesevi Ocakları» журналының бас редакторы, "Яссы" қорының президенті Исметулла Ясауи Түркістан облысы әкімінің орынбасары Мәлік Отарбаевпен кездесті. Əңгіме барысында Қожа Ахмет Ясауи мұраларын насихаттау мақсатындағы жоспарланған жұмыстар талқыланды.

Бүгін ҚР Парламенті Мәжілісінің депутаттары- Әлеуметтік-мәдени даму Комитетінің мүшелері Түркістан облысына жасаған сапары барысында Қожа Ахмет Ясауи кесенесіне зиярат етіп, ортағасырдағы тарихи-мәдени мұра объектілерінің тарихи келбетін анықтауға және қалпына келтіруге арналған жобалармен және Түркістан қаласы аумағындағы ең көне қоныстардың бірі Күлтөбе қалашығымен танысты.

Бүгін ҚР Мәдениет және спорт министрі Арыстанбек Мұхамедиұлы Түркістан қаласына арнайы іссапармен келіп, "Қазқайтажаңғырту" РМК, "Базиз-А" құрылыс компаниясы, "Әзірет Сұлтан" мемлекеттік тарихи-мәдени қорық-музейі және "Отырар" мемлекеттік археологиялық қорық-музейі мен археологтар және тарихшылармен кездесті.

«Әзірет Сұлтан» мемлекеттік тарихи-мәдени қорық-музейі» РМҚК кітапханасында «Ұлы даланың жеті қыры» атты фото және кітап көрмесі өтті.

Елбасы мақаласында көрсетілген 7 негізгі бағыт бойынша ұйымдастырылған шараға музейдің баспа өнімдері мен тарихи кітаптар және фотосуреттер қойылып, мекеме қызметкерлері мен оқушыларға таныстырылды. 

Беттер