Кеңейтілген алқа отырысында мәдениет, архив және баспа ісі салаларындағы 2021 жылы атқарған қызметтер мен 2022 жылға қойылған негізгі міндеттер талқыланды.
Жиын барысында Мәдениет және спорт министрі Дәурен Абаев еліміздегі тарихи-мәдени ескерткіштерді сақтау, қорғау мәселелеріне тоқталып, алдағы жоспарларымен бөлісті.
-Қарағанды облысы Ұлытау ауданында «Жошы хан» тарихи-мәдени кешенінің құрылысы аяқталды. «Сарайшық», «Әзірет Сұлтан», «Ордабасы» тарихи-мәдени музей-қорықтары аумағында заманауи визит-орталықтардың құрылысы басталды. Қожа Ахмет Ясауи, Рәбия Сұлтан Бегім, Есім хан, Тәуке хан, Қылует жерасты мешіті сияқты тарихи-мәдени мұраға жататын 49 нысанда қалпына келтіру жұмыстары жүргізілді, — деді министр.
