2026 жылдың 13 наурыз күні Шымкент қаласында «№1 TALANT» ЖШС базасында жалпы білім беру ұйымдарының 6–11 сынып оқушылары арасында дәстүрлі «Ясауитану – 2026» республикалық байқауының қалалық кезеңі өткізілді.

Байқауға қаладағы 44 білім беру ұйымынан 44 оқушы қатысып, олардың барлығы да 40 хикметті жатқа айту бойынша білімдерін сынға салды. Сайыс екі кезең бойынша ұйымдастырылды:

«Хикмет жарысы»

«Сұрақ-жауап» кезеңі

Байқау қорытындысы бойынша республикалық кезеңге бас жүлде және І, ІІ, ІІІ орын иегерлері атанған 6 оқушы жолдама алды.

Жеңімпаздар:

Бас жүлде – Шильтерханова Адиа Сарманқызы, №62 жалпы орта білім беретін мектептің 11-сынып оқушысы.

І орын – Әуелбек Ерасыл Нұрсейтұлы, №1 мамандандырылған ІТ лицей-интернатының 9-сынып оқушысы.

ІІ орын – Баратбек Айда Алижанқызы, №118 жалпы орта білім беретін мектептің 9-сынып оқушысы.

ІІІ орын:

– Айбекқызы Фатима, «Intellekt» физика-математикалық мектеп-лицейінің 8-сынып оқушысы;

– Ерғазы Нұрдана, №99 мектеп-гимназияның 10-сынып оқушысы;

– Бижігіт Жәудір Нұрболатқызы, №86 жалпы орта білім беретін мектептің 8-сынып оқушысы.

Байқаудың негізгі мақсаты – жас ұрпаққа қазақтың ұлы ойшылы, сопылық ілімнің көрнекті өкілі Қожа Ахмет Ясауидің рухани мұрасын насихаттау, оның хикметтеріндегі тағылымды ойларды кеңінен таныту.