«Әзірет Сұлтан» музей-қорығы 2022 жылдың 28 қараша күні Түркістан қаласы Ататүрік атындағы мектеп-гимназиясында «Қасиетті Түркістан» атты көрмесін ұйымдастырды.
Көрме тарих апталығы аясында ұйымдастырылып, оған 1000-нан аса оқушылар мен ұстаздар қатысты.
Көрме экспозициясына Қожа Ахмет Ясауидің және оның ізбасраларының қолжазба кітаптары, Әмір Темірдің кесенеге сыйға тартқан ортағасырлық ХІV ғасырдың құнды жәдігерлері — лауха, есіктер, тайқазанның көшірмелері, музей қорындағы этнографиялық бұйымдар мен жиһанкез А.Кунның 1871-1872 жж. түсірілген «Түркістан альбомында» жарық көрген шаһардың, киелі кесененің бірегей фотосуреттері көпшілік назарына ұсынылды.
Тарих апталығының ашылуы «Қасиетті Түркістан » көрмесін тамашалаумен басталды. Қалалық адами әлеуетті дамтыу бөлімі бастаған, қаладағы әр мектептен келген тарих пәнінің мұғалімдері мен оқушыларына музей-қорықтың кіші ғылыми қызметкері Т.Оразов көрменің экскурсиясын жүргізді. Апталықты ұйымдастырушы Ататүрік атындағы мектеп-гимназиясының директоры Р.Урумова музей әкімшілігіне алғысын білдіріп, алдағы уақытта да музей педагогикасына қатысты жұмыстарды бірлесе атқаруға шақырды.
