Іс-шара барысында қызметкерлерге сыбайлас жемқорлықтың алдын алу, Қазақстан Республикасының қолданыстағы заңнамасын сақтау, сондай-ақ қызметтік әдеп нормаларын қатаң ұстану мәселелері кеңінен түсіндірілді. Сонымен қатар, жиын аясында тақырыпқа сәйкес арнайы бейнеролик көрсетіліп, оның мазмұны қатысушыларға сыбайлас жемқорлықтың қоғамға тигізер кері әсерін тереңірек ұғынуға мүмкіндік берді.

Аталған шара ұйым қызметінің ашықтығы мен тиімділігін арттыруға бағытталып, ұжым арасында адалдық, ашықтық және жауапкершілік қағидаларын нығайтуға ерекше мән берілді. Сондай-ақ, түсіндіру жұмыстары жүргізіліп, сыбайлас жемқорлыққа қарсы мәдениетті қалыптастырудың маңыздылығы атап өтілді.

Мұндай іс-шаралар ұйымдағы заңдылықты қамтамасыз етуге және көрсетілетін қызмет сапасын арттыруға оң ықпал етеді. Музей-қорық қызметкерлеріне заң талаптары кеңінен таныстырылып, өз қызметінде заңдылық, әділдік және жауапкершілік қағидаттарын басшылыққа алудың маңыздылығы ерекше назарға алынды. Алдағы уақытта мұндай іс-шаралар музей-қорықта жүйелі түрде, яғни ай сайын жалғасын табатын болады.

Т.Сырлыбек, заңгер.