2023 жылдың 13 ақпан күні қаламыздағы №21 М.Пошанов атындағы жалпы орта мектебінде «Ұлттық құндылықты дәріптеу — ұрпаққа мұра» тақырыбында мәдени-көпшілік шара ұйымдастырылды. Онда халқымыздың сан ғасырдан бері тұрмыс-салтында пайдаланған этнографиялық мұралары насихатталды.
Шара аясында «Әзірет Сұлтан» мемлекеттік тарихи-мәдени музей-қорығы ХІХ ғасырдың күмістен жасалған зергерлік бұйымдарын, оның ішінде қыз-келіншектердің күнделікті пайдаланған әшекейлерін таныстырды. Көрме экспозициясына жүзіктер, білезіктер, қапсырмалар, өңіржиектер, шолпылар, тұмарлар, сырғалар, шашбаулар, шашсабақтар қойылды.
![](http://azretsultan.kz/wp-content/uploads/2023/02/330850043_526875779513425_2070812973746443101_n-300x225.jpg)