ҚР Мәдениет және ақпарат министрлігінің 25.05.2026 жылғы №242-нқ санды бұйрығымен бекітілген бағалар тізбесіне сәйкес, 2026 жылдың 10-маусымынан бастап Қ.А.Ясауи кесенесі аймағына, Ясауи музейі мен Сирек жәдігерлер залына кіру билеттерінің құны алыс шетел азаматтары үшін 5000 теңге, жақын шетел (ТМД) азаматтары үшін 2000 теңге болып бекітілді.

Қазақстан Республикасының азаматтары үшін билет бағасы бұрынғы қалпында сақталады. Атап айтқанда, ересектер үшін кіру ақысы – 1000 теңге, студенттер мен зейнеткерлер үшін – 500 теңге, мектеп оқушылары үшін – 300 теңге. Алайда оқушыларға қазіргідей демалыс кезеңінде кіру тегін.

«Әзірет Сұлтан» Ұлттық тарихи-мәдени музей-қорығының әкімшілігі.