Бүгін ЮНЕСКО-ның Алматыдағы Өңірлік кеңсесінің ұйымдастыруымен «Қазақстандық жетекші музейлер» өкілдерінің дөңгелек үстелі өтті. Іс-шараның негізгі мақсаты – қазақстандық музей секторын дамытуға арналған стратегиялық ұсынымдар әзірлеу болды.

Жиынды ЮНЕСКО-ның Алматыдағы Өңірлік кеңсесінің мәдениет жөніндегі маманы Филипп Деланг ашып, іс-шараның маңыздылығы мен басты міндеттеріне тоқталды.

Семинар жұмысына ҚР Мәдениет және ақпарат министрлігінің сарапшылары, ЮНЕСКО мамандары, отандық музей-қорықтар мен облыстық тарихи-өлкетану музейлерінің өкілдері қатысты.

Мазмұнды жиынға «Әзірет Сұлтан» Ұлттық тарихи-мәдени музей-қорығы директоры м.а. Нұрлан Дукенбаев қатысып, туристерге жасалған жағдайлар, жергілікті облыс әкімдігімен бірлесе отырып кесене аумағындағы газондарды алып тастау және мониторинг жұмыстарын жүргізу тәжірибелері жөнінде баяндама жасады.

Сондай-ақ, аталмыш семинарға музей-қорықтың тарихи ескерткіштерді қорғау және есепке алу бөлімінің басшысы Асылхан Кәрім де қатысуда.

А. Әлібек, баспасөз хатшысы.