«Әзірет Сұлтан» мемлекеттік тарихи-мәдени қорық-музейі» қызметкерлері ҚР Тұңғыш Президенті Н.Ә.Назарбаевтың «Болашаққа бағдар: рухани жаңғыру», «Ұлы даланың жеті қыры» бағдарламалық мақалаларын негізге ала отырып «Тілінде ауыр кемістігі бар балаларға арналған облыстық арнайы мектеп-интернаты» мекемесінде сурет және кітап көрмесін қойды.
«Әл-Фараби және Абай» тақырыбында өткен көрмеде музей кітапхана қорынан Әл-Фараби мен Абай Құнанбайұлының еңбектері қойылды.
Әбу Насыр әл-Фарабидің 1150 жылдық, Абай Құнанбайұлының 175 жылдық мерейтойы аясында ұйымдастырылған шараға мектеп мұғалімдері мен жоғары сынып оқушылары қатысты.
