Қазақ халқының ұлы ақыны, ағартушы Абай Құнанбайұлының 175 жылдық мерейтойына орай өткізілген мәдени шарада ұлы тұлғаның өмірі мен шығармашылығын дәріптейтін суреттер мен кітаптар көрмесі таныстырылды. Сондай-ақ, оқушылар ақынның өлеңдері мен қарасөздерін жатқа айтудан сынға түсіп, әндерін орындады.

Шараны ұйымдастыруға белсене атсалысқан «Әзірет Сұлтан» мемлекеттік тарихи-мәдени қорық-музейінің экскурсоводы Ардақ Бейсенова рухани тәлімі мол, тарихи құндылықтарды терең танытып, ұрпақ бойына сіңіруге арналған бастамалардың тәрбиелік маңызы да зор екенін жеткізді.