Бүгін Түркияның Стамбул қаласында “Әзірет Сұлтан” Ұлттық тарихи-мәдени музей-қорығы мен Ислам тарихы, өнері мен мәдениетін зерттеу орталығы (IRCICA) арасында өзара түсіністік туралы меморандумға қол қойылды.

“Әзірет Сұлтан” Ұлттық музей-қорығының директоры Мәулен Жарылқасынұлы Садықбеков пен IRCICA-ның бас директоры, елші, профессор, доктор Махмут Ерол Кылыч қол қойған құжатта екі мекеме арасындағы достық пен ынтымақтастықты нығайту және бірлесе атқаратын жобалардың бағыт-бағдары атап көрсетілген.