Жыл басынан бері жалғасып келе жатқан «Әзірет Сұлтан» музей-қорығының «Қожа Ахмет Ясауи мұрасы мен ілімі» тақырыбындағы көшпелі көрмесі қаламыздағы №8 Н.Төреқұлов атындағы жалпы орта мектебінде өтті.
Аталмыш көрмені білім ордасының ұстаздары мен оқушылары тамашалап, түркі жұртының ұлы ұстазы – Қожа Ахмет Ясауи бабамыздың мұраларымен танысып, шығармаларының мәні мен маңыздылығы хақында толымды ақпарат алды.
Музей-қорық қорындағы тарихтан сыр шертер құнды жәдігерлеріміз де таныстырылды. Әрбір жәдігердің өзіндік қолданылу тарихы мен маңыздылығы жөнінде айтылды.
Көрменің мақсаты – жас жеткіншектерге туған өлкенің терең тарихы мен Қ.А.Ясауи мұрасын насихаттай отырып, олардың қасиетті отанымызға деген сүйіспеншілігін арттыру, саналы да жігерлі азамат, ел жанашыры болып қалыптасуына септесу…
Қ.Ысқақ, көрме ұйымдастырушы
