Құрметті көрермендер! Қазақстан Республикасы Мәдениет және спорт министрлігіне қарасты еліміздегі іргелі «Әзірет Сұлтан» мемлекеттік тарихи-мәдени қорық-музейі «Халық этнографиясына» қатысты өзінің алғашқы видео түсірілімін бастайды. «Ел іші — өнер кеніші» демекші, бүгінгі түсірілімнің кейіпкері, облыстық, республикалық және халықаралық байқаулардың лауреаты, зергер, педагог-ұстаз, қорық-музей қорында сақталған ортағасырлық лауһа, тайқазан, он Ахметтің туы, хан қылышының қынабын күміспен күптеген ұста — Қалмырза Әлібекұлы Тасов. Зергер ұстаның бір күндік жұмысын назарларыңызға ұсынамыз.