Бүгін Алматы қаласында Қазақстан Республикасының ЮНЕСКО және ИСЕСКО істері жөніндегі Ұлттық комиссиясының отырысы болып өтті. Аталған комиссия төрағасы, ҚР Мемлекеттік кеңесшісі Е.Қариннің төрағалығымен өткен отырыста «Қазақстанда ЮНЕСКО-ның Орташа мерзімді стратегиясын іске асыруды бағалау жөніндегі мәселелер» қаралды.

Ұлттық комиссияның бас хатшысы А.Байсабаева «2021-2022 жылдардағы ҚР ЮНЕСКО және ИСЕСКО істері жөніндегі Ұлттық комиссияның қызметі» туралы баяндама жасады.

Мәдениет және спорт вице-министрі Н.Дауешов Қазақстандағы тарихи-мәдени ескерткіштердің қорғалуы, Қожа Ахмет Ясауи кесенесінің сақталу жағдайы бойынша баяндама жасап, атқарылып жатқан жұмыстармен таныстырды.

Сондай-ақ отырыста ЮНЕСКО-мен жаратылыстану ғылымдары саласы, әлеуметтік ғылымдар, мәдениет, ақпарат және коммуникация салалары бойынша ынтымақтастық мәселелері жөнінде тиісті тұлғалар презентация жасады…