Өткен жылдың қазан айында Қазақстан Республикасы Мәдениет және ақпарат министрлігі, Мәдениет комитеті, “Әзірет Сұлтан” Ұлттық тарихи-мәдени музей-қорығы мен Ислам ынтымақтастығы ұйымы Ислам тарихы, өнері мен мәдениетін зерттеу орталығы (IRCICA) бірлесіп, “Қожа Ахмет Ясауи мұрасына жаңа көзқарас” тақырыбында Халықаралық конференция өткізген болатын. Сол конференция материалдары жеке кітап болып Түркияда жарыққа шықты.

Бүгін Түркияның Стамбул қаласында орналасқан IRCICA-ның конференц-залында аталған кітаптың тұсаукесері өтеді. Халықаралық шараға “Әзірет Сұлтан” Ұлттық музей-қорығының директоры Мәулен Жарылқасынұлы Садықбеков қатысады.