Бүгін Шымкент қаласында мектеп оқушылары арасында өтетін дәстүрлі «Ясауитану» байқауының Шымкент қалалық іріктеу кезеңі болып өтті.

Қала мектептерінен 90 оқушы қатысқан білім жарысында үздік шыққан 5 оқушы, «Әзірет Сұлтан» мемлекеттік тарихи-мәдени музей-қорығының ұйымдастыруымен, Түркістан қаласында өтетін Республикалық «Ясауитану-2024» байқауына жолдама алды. Олар: Сейдулла Жақсыбек, Нұрманбек Кәусар, Шамшат Әділет, Рахман Кәусар, Аздар Ерасыл.

Бес адамнан құралған қазылар алқасына «Әзірет Сұлтан» музей-қорығының ғылыми қызметкері, мәтінтанушы маман Жүнісбаев Ұлықбек төрағалық етті.