«Әзірет Сұлтан» мемлекеттік тарихи-мәдени музей-қорығының базасында Қожа Ахмет Ясауи атындағы Халықаралық қазақ-түрік университеті «Теология» факультетінің бір топ студенттері іс-тәжірибеден өтіп жатыр. Дінтану, теология мамандығының студенттері музей-қорық қорында сақталған араб, парсы, шағатай тілінде жазылған кітаптарды оқу, аудару ісімен айналысуда. Бүгінгі таңда, музей-қорық қорында 454 дана баспа кітаптары, 163 дана қолжазба кітаптары сақталған. Студенттерге кіші ғылыми қызметкер араб, парсы, шағатай тілінің маманы Ұ.Жүнісбаев жетекшілік жасауда.

Қазіргі таңда, студенттер Қожа Ахмет Ясауи бабамыздың шәкірті Шайық Худайдат Таш-Мұхаммед әл Бухаридің «Бустан ул Мухиббин» еңбегімен танысып, аударма, оқу жұмыстарымен айналысуда. Қолжазба кітап ХVІІІ ғасырда араб,парсы, шағатай тілдерінде жазылған.