ҚР Премьер-Министрі А. Мамин жұмыс сапарымен Түркістан облысына келді. Сапар барысында 88,7 гектар аумақты қамтитын «Әзірет Сұлтан» мемлекеттік тарихи-мәдени қорық-музейіне қарасты тарихи орындарды зерттеу, қайта жаңарту бойынша атқарылып жатқан жұмыстармен танысты.

Түркістанда Премьер-Министр қаланың даму перспективалары жөнінде кеңес өткізеді. Cелекторлық режимде оның жұмысына өңірлер әкімдері қатысып, облыс орталығында нысандарды салу бойынша ағымдағы жағдай мен жүргізіліп жатқан жұмыстар туралы баяндайтын болады. Сонымен қатар, қаланың әкімшілік-іскерлік орталығын, тұрғын үй алаптарын және әлеуметтік мәні бар нысандарды салу барысы тексеріледі.