🔹 Қожа Ахмет Ясауи мұрасы – бүгінгі ұрпаққа бағыт-бағдар беретін сарқылмас рухани қазына. Оқушылар арасында Ясауи ілімін таныту олардың ой-санасын кеңейтіп, тарихқа деген құрметін арттырып, адамгершілік қасиеттерін қалыптастыруға зор үлес қосады. Осы мақсатта «Әзірет Сұлтан» Ұлттық тарихи-мәдени музей-қорығының қызметкерлері аянбай еңбек етіп, жастарды рухани-танымдық тәрбиелеу бағытындағы жұмыстарын үздіксіз жалғастыруда.

🔹 Бүгін Қазыбек би атындағы №14 жалпы білім беретін мектептің 10 сынып оқушыларымен «Ясауитану» клубының ұйымдастыруымен «Қожа Ахмет Ясауидің балалық шағы» тақырыбында танымдық сабақ өтті. Дәрісті Ғылыми зерттеу бөлімінің ғылыми қызметкері А. Үркінбаева жүргізді.

🔹 Қожа Ахмет Ясауидің балалық шағы мен рухани жолының бастауы – бүкіл түркі халықтарының рухани тарихындағы маңызды кезең болып саналады. Ол халыққа мәңгілік үлгі болып, өмірі мен еңбегі арқылы имандылық, сабыр, әділдік, мейірім сияқты адамгершілік қасиеттерді дәріптеді.

🔹 Танымдық сабақ оқушылардың ерекше қызығушылығын тудырды. Мұндай дәрістер «Ясауитану» клубының жұмысы аясында тұрақты түрде ұйымдастырылып келеді, бұл жастарды рухани тәрбиелеуде маңызды орын алады.

А. Үркінбаева, ғылыми қызметкер.