ХАБАРЛАМА

«Әзірет Сұлтан» мемлекеттік тарихи-мәдени қорық-музейі» Республикалық мемлекеттік мекеме Қазақстан Республикасы Үкіметінің 2015 жылғы 24 шілдедегі № 585 қаулысына сәйкес Қазақстан Республикасы Мәдениет және спорт министрлігінің «Әзірет Сұлтан» мемлекеттік тарихи-мәдени қорық-музейі» республикалық мемлекеттік қазыналық кәсіпорны болып қайта құрылды.

2015 жылға дейін мемлекеттік мекеме нысанында қызмет еткен қорық-музей бюджеттен 100 % қаржыландырылған болатын. Ал, енді 2015 жылдан кейін кәсіпорын ретінде музейге  республикалық бюджеттен 80% қаржы ғана бөлінетін болды, яғни қалған 20% қаржыны қорық-музей өз қызметі арқылы табуы керек.

Бұл шара Мәдениет және спорт министрінің 2017 жылғы 9 маусымдағы №174 бұйрығы негізінде жүзеге асырылуда.

Ел ішінде қорық-музейге жүз-миллиондап қаржы түседі деген әртүрлі алып-қашпа сөздер жүргені рас. Осы негізсіз ақпаратқа жауап беру үшін музей әкімшілігі қорық-музейге түсетін қаржының нақты көрсеткішін ай сайын жариялап тұруды жөн көрді.

Қыркүйек

Қыркүйек айында «Әзірет Сұлтан» мемлекеттік тарихи-мәдени қорық-музейіне қайырымдылық пен демеушілік есеп шотына 4 759 543 теңге қаражат түскен. Осы соманың:

Банк қызметіне 15 358,31 теңгесі,

Баспадан кітаптар шығару үшін ( «Зергерлік бұйымдар топтамасы» кітабы,  анықтамалық материалдар (календарь, буклет)  2 195 797 теңгесі.

«Ясауитану» байқауын ұйымдастырып өткізуге 1 522 100 теңгесі,

Маусымдық жұмысшылардың еңбек ақысына 942 404 теңгесі,

Виртуалды 3D -тур (интернет арқылы насихат материалдары) 608 000 теңгесі жұмсалды.

Әрине ескере кетер бір жайт, басқа да қорық-музейдің жоспарындағы мәдени іс-шараларды ұйымдастыру шығындарына 3 829 230 теңге қаржы жетпей қалғанын да айта кеткеніміз жөн. Бұл қаржы, алдағы айда түсетін түсімдердің есебінен қаралатын болады.

 

Қазан

Қазан айында «Әзірет Сұлтан» мемлекеттік тарихи-мәдени қорық-музейіне қайырымдылық пен демеушілік есеп шотына 6 506 224 теңге қаражат түскен. Осы соманың:

Банк қызметіне 18 832,45 теңгесі,

Баспадан кітаптар шығару үшін ( «Зергерлік бұйымдар топтамасы» кітабы, «Түркістан жазирасының қыш ыдыстары» кітабы, «100 аңыз» кітабы, анықтамалық материалдар (календарь, буклет)  10 450 002 теңгесі.

Халықаралық конференция ұйымдастырып өткізуге 3 000 000 теңгесі,

Шаруашылық жұмыстарына (асфальт төсеу, автокөлік жалдау) 2 022 500 теңгесі,

Виртуалды 3D -тур (интернет арқылы насихат материалдары) 960 000 теңгесі жұмсалды.

Қорық-музейдің жоспарындағы мәдени іс-шараларды ұйымдастыру шығындарына 9 945 110 теңге қаржы жетпей қалғанын да айта кеткеніміз жөн.

 

Қараша

Қараша айында «Әзірет Сұлтан» мемлекеттік тарихи-мәдени қорық-музейіне қайырымдылық пен демеушілік есеп шотына 4 001 515 теңге қаражат түскен. Осы соманың

Банк қызметіне 14 093,03 теңгесі,

Халықаралық конференцияны ұйымдастырып өткізуге 4 600 000 теңгесі,

Химиялық және бактериологиялық сараптамаға 36 500теңгесі,

Қызметкерлердің іс-сапар шығындарына 330 000 теңгесі жұмсалды.

Әрине ескере кетер бір жайт, басқа да қорық-музейдің жоспарындағы мәдени іс-шараларды ұйымдастыру шығындарына 979 078,03 теңге қаржы жетпей қалғанын да айта кеткеніміз жөн. Бұл қаржы, алдағы айда түсетін түсімдердің есебінен қаралатын болады.

 

«Әзірет Сұлтан» қорық-музейінің баспасөз қызметі.