Нумизматикалық жәдігерлер

ШЫҢҒЫСХАН АТЫМЕН СОҒЫЛҒАН АЛТЫН ДИНАР

Моңғол әскерінің жаулап алу кезеңдерінде айналымға жіберілген алғашқы ақша түрлерінде жаулап алған елдің тілі мен ол елдің қолданысындағы жазба түрін пайдалану кең етек алған. Тіпті, сол елдің діни нанымындағы басты принциптерді де айналымда жүретін тиындар бетіне түсіріп отырудан қашпаған. 

ОҚО, Шаян ауданының Құрысай мекенінен табылған Отырарда соғылған Шағатай дирхемдері көмбесі

2012 жылы Шаян ауданының тұрғыны Құрысай деген мекеннен табылған ақша көмбесін музей қорына өткізген болатын. Көмбе 450 дана тиындардан тұрады. Тиындарды тексеру барысында оларды жасырарда құмыра ішіне май жағып салғандығы анықталды. Осыған байланысты тиындар жақсы сақталған.