Жаңалықтар

21 ақпан – Халықаралық гид-экскурсоводтар күні! Бұл күнді экскурсоводтардың халықаралық федерациясы 1990 жылдан бастап ресми түрде бекіткен болатын. 

Атаулы күнге орай, «Əзірет Сұлтан» мемлекеттік тарихи-мəдени қорық-музейінің директоры Нұрболат Ахметжанов музей экскурсоводттарын кəсіби мерекелерімен шын жүректен құттықтай отырып, отбасыларына мол бақыт, жұмыстарына шығармашылық шабыт пен табыстар тіледі!

«Әзірет Сұлтан» мемлекеттік тарихи-мәдени қорық-музейі» ұжымы Елбасы Н.Ә.Назарбаевтың «Болашаққа бағдар: рухани жаңғыру» мақаласын басшылыққа ала отырып «2018 жылғы «Әзірет Сұлтан» мемлекеттік тарихи-мәдени қорық-музейі» қызметкерлерінің 2050 жылғы әріптестеріне жазған «аманат хат» капсуласын салтанатты түрде орнату рәсімін өткізді.

Елбасы Н.Ә.Назарбаевтың «Болашаққа бағдар: Рухани жаңғыру» мақаласы және Қазақстан Республикасының елордасы – Астана қаласының 20 жылдығы аясында «Әзірет Сұлтан» мемлекеттік тарихи-мәдени қорық-музейінің ұйымдастыруымен Түркістан ауылдық округтерінде орналасқан тарихи-мәдени ескерткіштерді таныстыру-түсіндіру жұмыстары бойынша, музей қорындағы құнды жәдігерлерді насихаттау, жергілікті халыққа таныстыру мақсатында Шорнақ ауылдық округінде кездесу болып өтті.

Террористік тұрғыдан осал нысандардың терроризмге қарсы қорғалуы және алдын-алу бойынша «Әзірет Сұлтан» мемлекеттік тарихи-мәдени қорық-музейі» РМҚК қызметкерлерімен жиын өткізілді.

«Әзірет Сұлтан» мемлекеттік тарихи-мәдени қорық-музейі қызметкерлері Түркістан қаласындағы №14 жалпы орта мектебі жəне М.Әбенова, С.Рахимов атындағы білім ұяларында «Ырысы тасыған ыдыстар» тақырыбы аясында көрме ұйымдастырды.

Киелі мекен Түркістан қаласына Қазақстан мұсылмандары діни басқармасының төрағасы, Бас мүфти Серікбай қажы Ораз ресми сапармен келді.

Дүниежүзілік мəдени мұралар тізіміне енген қасиетті Қожа Ахмет Ясауи кесенесіне зиярат жасап, бабалар рухына құран бағыштаудан бастаған бас мүфти Серікбай қажы Сатыбалдыұлы «Әзірет Сұлтан» мемлекеттік тарихи-мәдени қорық-музейдің құнды жәдігерлерімен де танысты. 24233 жәдігерден тұратын қорық-музей тыныс-тіршілігі жөнінде пікір алмасып, шынайы тілектестігін білдірді.

Елбасы Нұрсұлтан Әбішұлы Назарбаевтың «Болашаққа бағдар: рухани жаңғыру» бағдарламалық мақаласы аясында жас ұрпақты отансүйгіштікке, елжандылыққа, туған жерге деген сүйіспеншілігін арттыру мақсатында насихат жұмыстарын түрлендіре жүргізуді «Әзірет Сұлтан» мемлекеттік тарихи-мәдени қорық-музейі басты назарда ұстауда. 

"Əзірет Сұлтан" мемлекеттік тарихи-мəдени қорық-музейі жанынан шығатын "Ясауи Мұрасы" республикалық газеті Қожа Ахмет Ясауидың таным мен тəрбиеге толы нұрлы ізін ұрпақ баласына насихаттау бағытында жұмыс жасайтыны белгілі.

Беттер