Жаңалықтар

Халықаралық ЮНЕСКО ұйымы тарапынан 2016 жыл – «Ясауи жылы» деп белгіленуі мен Ел Тәуелсіздігінің 25 жылдығы мерейтойы аясында ҚР Мәдениет және спорт министрлігі «Әзірет Сұлтан» мемлекеттік тарихи-мәдени қорық-мұражайы «Қожа Ахмет Ясауи мұрасы мен ілімінің зерттелу мәселелері» тақырыбындағы халықаралық ғылыми-тәжірибелік конференциясын ұйымдастырды. Конференция аясында көптеген іс-шаралар атқарылды. Солардың бірі – Қожа Ахмет Ясауи кесенесінің Ақсарай бөлмесіндегі «Ақиқат жолын үлгі еткен даналар мұрасы» тақырыбындағы кітап көрмесі.

Ел Тәуелсіздігінің 25 жылдығы мен Қожа Ахмет Ясауидің 850 жылдығына орай «Әзірет Сұлтан» мемлекеттік тарихи-мәдени қорық-музейі ОҚО, Төлеби ауданында «Тәуелсіздік және Түркістан тағылымы» тақырыбындағы көшпелі көрмесін өткізді. Көрме экспозициясына қорық-музей қорынан жетпістен аса құнды жәдігерлер көпшілік назарына ұсынылды.

Бүгін «Әзірет Сұлтан» мемлекеттік тарихи-мәдени қорық-музейіне «Ontustik Tourism-2016» Халықаралық туристік форум жұмысына қатысқан Кувейт, Ливан, Македония, Испания, Пәкістан, Моңғолия, Оңтүстік Корея, Чехия елдерінің Қазақстан Республикасындағы Елшілері мен Консулдары, шет елдік және қазақстандық туристік операторлар және шет елдік БАҚ өкілдері киелі мекенге табан тіреді. Қожа Ахмет Ясауи кесенесі мен басқада тарихи ескерткіштеріміз жайлы ағылшын және орыс тілдерінде «Әзірет Сұлтан» қорық-музейінің қызметкерлері экскурсия жүргізді.

Оңтүстік Қазақстан облысы Әкімдігі 2016 жылдың 6-7 қазанда Шымкент қаласында «Ontustik Tourism-2016» Халықаралық туристік форумын ұйымдастырды. Форум туризм саласындағы өңіраралық және халықаралық серіктестіктерді қарқындату, туризм және қонақжайлық қызмет саласындағы іскерлік қатынастар орнату және дамыту мақсатында ұйымдастырылып отыр.

«Әзірет Сұлтан» мемлекеттік тарихи-мәдени қорық-мұражайы 1978 жылы 30 қыркүйекте «Республикалық Қожа Ахмет Ясауи кесенесі сәулет ғимараты музейі» болып ашылған. 1989 жылы тамыздың 28 күні Қазақ ССР министрлер кеңесінің №256 қаулысымен «Әзірет Сұлтан» мемлекеттік тарихи-мәдени қорық-музейі» болып және ҚР Үкіметінің 24.07.2015 жылғы ҚР Мәдениет және спорт министрлігінің республикалық мемлекеттік мекемелерін қайта ұйымдастыру туралы №585 қаулысымен «Әзірет Сұлтан мемлекеттік тарихи-мәдени қорық-мұражайы» РМҚК болып қайта құрылды.

2016 жылдың 27 қыркүйегінде «Әзірет Сұлтан» мемлекеттік тарихи-мәдени қорық-музейінде Ел Тәуелсіздігінің 25 жылдығы мен мемлекет және қоғам қайраткері ғалым-этнограф Ө.Жәнібековтың 85 жылдығына орай Қостанай облысы Арқалық қаласындағы «дала өлкесі тарихы облыстық мұражайының «Торғайдың Өзағасы» атты көрмесінің тұсау кесері болып өтті.

Халықаралық ЮНЕСКО ұйымы 2016 жылды «Ясауи жылы» деп белгілеуіне орай, Түркі елдері руханиятының астанасы – киелі Түркістан шаһарында қайталанбас өнерімен талғампаз тыңдарманның жүрегіне жол тауып, бауырлас Қазақстан мен Түркия елінің өнер мен мәдениет саласындағы қарым-қатынасының одан әрі жандануына елеулі үлес қосқалы үшін Түркия мемлекетінің дарынды өнерпазы Тулуйхан Угурлу «Әзірет Сұлтан» мемлекеттік тарихи-мәдени қорық-мұражайына келіп ашық аспан астында пианино аспабында ойнап көпшілікті тамсандырды.

Беттер