Жаңалықтар

4 шілде күні «Әзірет Сұлтан» мемлекеттік тарихи-мәдени қорық-музейінде Астана күні қарсаңында «ӘН, ЖЫРЫМ – АСТАНА, ТАҒДЫРЫМ – АСТАНА» тақырыбында мерекелік шара өтті. Атаулы шараға қаламыздың жасөспірімдері, бала-бақша мен мектеп оқушылары және музей қызметкерлері қатысты.

Шараның негізгі максаты Елордамыз Астана туралы болашақ ұрпақтың танымын қалыптастыру, туған елге сүйіспеншіліктерін арттыру.

1 шілде күні ОҚО Шымкент қаласында 2016 жылға арналаған туризмді дамыту жоспарына сәйкес, қалалық кәсіпкерлік бөлімінің ұйымдастыруымен «ЭКСПО-ға дайындық» атты семинар-тренинг болып өтті. Іс-шараға туристік ұйымдардың, қонақ үйлердің, такси қызметінің, ОҚО бойынша барлық аудындық кәсіпкерлік бөлімдерінің, қорық-музейлердің және БАҚ өкілдері қатысты.

29 маусым күні «Әзірет Сұлтан» мемлекеттік тарихи-мәдени қорық-музейіне ОАР елінің саяхатшысы Дэвид Маркус Клинтон келді. (ОАР) саяхатшысы Дэвид Клинтон, жер шарын айналып жүріп 5 жылдың ішінде 79 елге барып көрген. 2016 жылдың 22 сәуірінде Қазақстаннан өтіп бара жатқанда, ол Балқаштың маңайында жол апатына түседі. Оның көлігі сынып қалғандықтан, саяхатшы экспедициясын тоқтатып, көлігін жөндеу үшін әлеуметтік желілер арқылы заттарын сатуға мәжбүр болды.

«Әзірет Сұлтан» мемлекеттік тарихи-мәдени қорық-музейінде 28 маусым – Қазақстан Республикасы Байланыс және ақпарат құралдары қызметкерлері күніне орай ұйымдастырылған мерекелік кездесу болып өтті.

21 маусым күні Австрия мемлекетінің азаматтары David Heis және Evelyn Түркістан қаласында «Әзірет Сұлтан» қорық-музейіне табан тіреді. Туризмді насихаттап жүрген бұл азаматтар өз мотоциклдерімен Австрия мемлекетінен Түркістанға дейінгі аралықты үш ай уақытта жүріп өткен жолай Чехия, Польша, Беларусь, Ресей мемлекеттерінде болған. Қонақтардың айтуларынша Қазақстанда бір айдай болып, Алматы, Астана тағы басқа көрікті жерлерімізді тамашалауды жоспарлаған. Бір жылдай әлем елдерін аралап соңғы тұрақтар жері Австралиядан ұшақпен туған жерлері Австрияға оралатын көрінеді.

Қазақстан Республикасының Тәуелсіздігіне 25 жыл толуына орай, 16 маусым күні Шымкент қаласында «Қайнар» қонақ үй кешенінде туризм саласын дамыту бағытында, туризм бизнес өкілдерінің қызмет көрсету сапасын арттуры және туризм саласы мамандарының тәжірибе алмасуы мақсатында «Этно Шымкент» атты семинар-тренинг болып өтті. Атаулы шараның басты мақсаты Шымкент қаласының ішкі туризмін дамыту, туристтік өнімін жылжыту болып табылады.

«Әзірет Сұлтан» мемлекеттік тарихи-мәдени қорық-мұражайында 2016 жылдың 16 маусым күні «Ұмыт қалған әулиелер» атты тақырыпта дөңгелек үстел өткізілді. Әулиелер – халқымыздың сан ғасырлық тарихында өзіндік орны бар, дініміздің нығаюы мен салт-дәстүріміздің дамуына, ұлт тәрбиесінің қалыптасуына имандылықты сіңіруге ерекше ықпал еткен өз заманының ерекше тұлғалары.

Беттер