Жаңалықтар

"Әзірет Сұлтан" мемлекеттік тарихи-мәдени қорық-музейінің басшысы Ахметжанов Нұрболат Қадырұлы Қазақстан Республикасының Президенті Нұрсұлтан Әбішұлы Назарбаевтың 2018 жылғы 20 маусымдағы Жарлығымен "Астана 20 жыл" мерекелік медалімен наградталды.
Еңбегіңізге толағай табыс, жеміс тілейміз, Нұрболат Қадырұлы!

Бүгін Түркістан облысының орталығында Қ.А.Ясауи кесенесінің алдында «Ұлттық домбыра күні» мерекесінде 1000 домбырашы Құрманғазының «Сарыарқа», «Балбырауын», Түркештің «Көңілашар» күйлерін орындады. Бұдан бөлек, барлық аудан, қалаларда бір мезгілде домбырашылардың флешмобы ұйымдастырылды. Осылайша жалпы саны 3 мыңнан астам домбырашы ұлттық өнерді дәріптеді.

Солтүстік Қазақстан облысы, Петропавл қаласында «Абылай хан резиденциясы» музей кешенінде «Әзірет Сұлтан» мемлекеттік тарихи-мәдени қорық-музейінің «Киелі Түркістан» көрмесінің ашылу салтанаты өтті. 
Көрме Елордамыз - Астана қаласының 20 жылдығы және «Әзірет Сұлтан» мемлекеттік тарихи-мәдени қорық-музейінің 40 жылдық мерейтойына орай ұйымдастырылды.
Көрменің мақсаты - киелі Түркістан мен Солтүстік Қазақстан өңірінің арасында рухани, мəдени жəне музейаралық қарым-қатынысты одан əрі дамытуға бағытталған.

«Түркістан - екі дүние есігі ғой,
Түркістан - ер түріктің бесігі ғой.
Тамаша Түркістандай жерде туған
Түріктің Тәңірі берген несібесі ғой», - деп жырлаған ақиық ақын Мағжан Жұмабаевтың туғанына биыл -125 жыл.
Осыған орай «Әзірет Сұлтан» мемлекеттік тарихи-мәдени қорық-музейінде белгілі қайраткер, ақын Мағжан Жұмабаевтың 125 жылдығына арналған «Жырыменен Түркістанды тербеткен» атты фото-кітап көрмесі ұйымдастырылды. 
Шараға Түркістан қаласының тұрғындары, студенттер мен оқушылар және музей қызметкерлері қатысты.

«Әзірет Сұлтан» мемлекеттік тарихи-мәдени қорық-музейінің ұйымдастыруымен Елордамыз Астана қаласының 20 жылдық мерейтойы және Ұлттық домбыра күні мерекесіне орай «Ұлы Дала шежіресі –домбыра» атты лекция – концерт өтті.

Шараға елімізге белгілі айтыскер ақындар мен домбырашы өнерпаздар, ұлттық-мәдени орталық жетекшілері мен зиялы қауым өкілдері және БАҚ өкілдері қатысты.

Елбасымыз Н.Ә.Назарбаевтың «Болашаққа бағдар: рухани жаңғыру» бағдарламалық мақаласы аясында Түркістан облысының мектеп оқушыларынан құралған «Облыс тарихы-2018» атты керуен-шеруі облыс орталығы Түркістан қаласына келді.

Аталған керуен-шеруіне Түркістан облысының әр ауданынан үлгілі оқитын көп балалы, әлеуметтік жағдайы төмен, аз қамтылған отбасыларынан шыққан және тұл жетім 10 мектеп оқушыларынан құралған 150-ден аса бала қатысты. 

ЖОЛБАРЫС АБДУЛЛАҰЛЫ - XVIII ғасырда өмір сүрген Ұлы жүздің ханы. Тарихи деректерде Жолбарс, Аувбасар, Джолбарс, Юлбарыс, Юлбарс, Dsholbars, Жолбарыс хан деген есімдермен белгілі.

Жолбарыс хан шамамен 1690 жылдары өмірге келген. Әкесі - Абдулла хан (шамамен 1719 ж. дүниеден өткен). Жолбарыс хан 1740 жылы сәуірдің 5 жұлдызында мешітте қастандықпен дүние салған. Оның билікті 1720- 1740 жылдар аралығында құрған деген дерек бар.

Беттер