Жаңалықтар

18 тамыз күні «Әзірет Сұлтан» мемлекеттік тарихи-мәдени қорық-музейі кітапхана бөлмесінің оқырмандар залында «Ядролық қарусыз әлем» тақырыбында фото, кітап көрмесі ашылды. Аталмыш көрме 29 тамыз – халықаралық ядролық қаруға қарсы күрес күні мерекесіне орай ұйымдастырылды. ХХ ғасырдың соңында КСРО Үкіметі еліміздің Семей өңірін ядролық қарудың сынақ алаңына айналдырды. Статистикалық мәліметке жүгінсек, бір айда 19-ға дейін сынақ жүргізіп отырған. Жалпыелімізде 500-ге жуық ядролық қаруды сынақтан өткізген екен.

«Әзірет Сұлтан» мемлекеттік тарихи-мәдени қорық музейіне Башқұртстан Республикасынан, Челябинск, Мәскеу, Ульяновск облыстарынан әлеуметтік туризм бағдарламасы аясында мүгедектер қауымы келді.

Есжан Ержан Әуелханұлы «Әзірет Сұлтан» мемлекеттік тарихи-мәдени қорық музей директорының ғылыми жұмыстар жөніндегі орынбасары болып тағайындалды.

1970 жылы 13 маусымда ОҚО облысы, Қызылқұм ауданы, Шәуілдір ауылында дүниеге келген. Білімі жоғары, тарих ғылымының кандидаты, ХҚТУ-нің музей ісі және тарихи ескерткіштерді қорғау мамандығы бойынша бітірген. 2013 жылы маусым айынан бастап «Отырар мемлекеттік археологиялық қорық-мұражайының директоры кызметін атқарып келген.

«Әзірет Сұлтан» мемлекеттік тарихи-мәдени қорық музейіне «Экспедиция 25» жобасының мүшелері келді. Атаулы жоба «Хабар» агенттігі, Қазақ географиялық қоғамы және «Арша Медиа» студиясы бірлесіп, тәуелсіздігіміздің 25 жылдығына орай ұйымдастырылған жаңа реалити шоу. Экспедицияға қатысушылар 108 күн ішінде жол талғамайтын 5 темір тұлпармен Қазақстан аумағы бойынша 25 мың шақырым жерді жүріп өтпек. Астана қаласынан 6 шілде күні шыққан экспедиция мүшелері Қарқаралы, Бектау ата, Балқаш сынды бірқатар қала мен елді мекендерде болған.

«Әзірет Сұлтан » мемлекеттік тарихи-мәдени қорық музейінің акт залында 2 тамыз күні Археология және тарихи ескерткіштерді қорғау бөлімінің ұйымдастыруымен «Жылаған ата » танымдық экскурсиясының есебі және Қожа Ахмет Ясауи кесенесінің кітапхана бөлмесінде фото-көрме болып өтті. Бұл іс шараның басты мақсаты Діни-рухани ескерткіштерімізді кеңінен насихаттау, оларға арнайы туристік маршруттар ұйымдастыру кезек күттірмес мәселе.

2004 жылы ЮНЕСКО-ның Алматы қаласындағы Кластерлік бюросымен жасалған келісім негізінде ҚР МОМ (Мемлекеттік Орталық Музейі) «Музеолог» электронды каталогтау бағдарламасын Орта Азия және Қазақстан музейлеріне енгізу бойынша үйлестірушілік және әдістемелік қызмет көрсете бастады.

28 шілде күні «Әзірет Сұлтан» мемлекеттік тарихи мәдени корық-музейінде «Музейлерде жәдігерлерді сақтау ісіндегі мәселелер» тақырыбында дөңгелек үстел болып өтті. Дөңгелек үстел жұмысына ҚР Мемлекеттік орталық музейінің қор сақтаушысы М.Даулетшина, Отырар мемлекеттік археологиялық музейінен қор сақтау және реставрация бөлімінің қызметкерлері Қ.Есіркепова, Н.Усаинов, облыстық өлкетану музейінен А.Ержігітова, тарихи мәдени этнографиялық орталықтың қор сақтаушысы М.Тұрсынбаева және музей қызметкерлері қатысты.

Беттер