Жаңалықтар

"Әзірет Сұлтан" мемлекеттік тарихи-мәдени қорық-музейінің қызметкерлері Талғат Оразов пен Салтанат Ералиева Түркістан қаласындағы №6 М.Мәметова және №8 Н.Төреқұлов атындағы жалпы орта мектептерінде «Түркістан-Түркі әлемі, Ұлы дала рухы» көрмесін және «Аң стилі – өз жазуы мен мифологиясы бар Қазақстанның ежелгі тұрғындарының озық мәдениеті» атты лекция ұйымдастырды.

Елбасы Нұрсұлтан Әбішұлы Назарбаевтың жариялаған «Жастар жылы» аясында «Түркістан Ахмет Ясауи» кәсіби колледжінің студенттері «Әзірет Сұлтан» мемлекеттік тарихи-мәдени қорық-музейінде ашық сабақ өткізіп, «Түркістан тарихы» музейімен танысты.

Елбасы Н.Ә.Назарбаевтың «Ұлы даланың жеті қыры» мақаласына орай, Халықаралық зергерлер күні қарсаңында «Әзірет Сұлтан» мемлекеттік тарихи-мәдени қорық-музейінде «Зергердің қолы алтын» көрмесі ашылды.

Көрмеге музей қорындағы ХIХ-ХХ ғасырларға тән әшекейлер мен зергерлік бұйымдар, түрлі қолөнер туындыларынан құралған 100-ден аса жәдігерлер қойылды.

Шараға қолөнер шеберлері, мектеп оқушылары және зиялы қауым өкілдері мен музей қызметкерлері қатысты.

«Әзірет Сұлтан» мемлекеттік тарихи-мәдени қорық-музейіне Өзбекстан Республикасы Самарқанд қаласынан Әдіхамхан Исматуллаев пен «Мейірім» қайырымдылық қорының жетекшісі Еркін Сапаров 100 түп тұт ағашын сыйға тартты.

Қожа Ахмет Ясауи кесенесі маңын көгалдандыруға үлес қосуды мақсат еткен қос азамат көктем мезгілінде 100 түп шабдалы көшетін жеткізетінін уәде етті.

Бабалар рухына тағзым етіп, құран бағыштаған соң қорық-музей қызметкерлерімен бірлесіп тұт көшеттері қондырылды.

Қорасан ата Әбд-әл-Жәлил бап Әзіреті Әлінің тікелей ұрпағынан тарайды. Қорасан – лақап аты. Егер ол шешек ауруына шалдыққан адамның үстінен аттап өтер болса, ол адамның шешегі жеңіл өтіп, жылдам айығады екен. Қорасан атаның Құсайын-Ғази атты баласы да ата жолын қуған жан болған. Ол мық, тарса еліне шабуыл жасап, оларға қырғын көрсеткендіктен Ғази атағын берген деп ел аңыздайды. Ел аузындағы әңгімелерге қарағанда Құсайынға түпкі атасы Әзіреті Әлісияқты найза да, қылыш та, мылтық оғы да өтпеген.

КӘРІМ АСЫЛХАН ӘБДІҚАЛИҰЛЫ: Елбасы Н.Ә.Назарбаевтың 2019 жылды «Жастар жылы» деп жариялауы жастар саясатының жан-жақты дамуына, тың бастамалар мен креативті пікірге ие кәсіби маман және шынайы патриот болып қалыптасуда жастарға үлкен серпіліс әкелетіні сөзсіз.

***

Беттер