Жаңалықтар

Қазақстан Республикасы Мәдениет және спорт министрлігінің ұйымдастыруымен қазақ тілі әліпбиін латын графикасына көшіру жұмыстары аясында өткен республикалық «ЖАЛПЫХАЛЫҚТЫҚ ДИКТАНТ» шарасына "Әзірет Сұлтан" мемлекеттік тарихи-мәдени қорық-музейі де белсене үн қосты.

Қорық-музей және мекемеге қарасты тарихи-мәдени орындардың қызметкерлері латын графикасы негізінде диктант жазып, жаңа қазақ әліпбиін насихаттау мен практикалық тұрғыда қолдануға қолдау білдіретіндіктерін жеткізді.

Грекияның Салоники қаласында "Philoxenia-2018" ең ірі халықаралық көрмесі ашылды. 

Айтулы шарада Қазақстанның Грекиядағы Елшісі Тимур Сұлтанғожин ҚР Мәдениет және спорт министрлігінің қолдауымен "Әзірет Сұлтан" мемлекеттік тарихи-мәдени қорық-музейінің Қожа Ахмет Ясауидің мұралары және Түркістан өңіріндегі киелі-тарихи жерлері жайлы көрмесінің лентасын қиды.

Бүгін Алматы музейінде төл теңгеміздің 25 жылдығына орай «Әзірет Сұлтан» мемлекеттік тарихи-мәдени қорық музейі және Отырар мемлекеттік археологиялық қорық-музейі, Қазақстан Республикасы Президентінің мұрағаты және Алматы музейінің бірлесе ұйымдастыруымен «Қазақстандағы ақша айналымы: ерте заманнан бүгінге дейін» тақырыбында нумизматикалық жәдігерлер көрмесі ашылды.

Петропавл қаласында Қазақстан мен Ресейдің аймақаралық ынтымақтастығына арналған «Қазақстан мен Ресейде туризмді дамытудың жаңа тәсілдері мен тенденциялары» тақырыбында XV форум өтуде.

Халықаралық шара аясында «Әзірет Сұлтан» мемлекеттік тарихи-мәдени қоры-музейінің «Түркістан жауһарлары» атты көрмесі ашылды.

2018 жылдың 9 - 11 қараша күндері Грекия Республикасының Салоники қаласында өтетін "Philoxenia-2018" ең ірі халықаралық көрмеде ҚР Мәдениет және спорт министрлігінің қолдауымен "Әзірет Сұлтан" мемлекеттік тарихи-мәдени қорық-музейі Қожа Ахмет Ясауидің мұраларын әлемдік жетекші туристік орталықтар назарына ұсынады.

2 қараша, 2018 жыл. Бүгін Астанада Қазақстан Республикасы Мәдениет және спорт министрлігі мен Шайсұлтан Шаяхметов атындағы «Til-Qazyna» ұлттық ғылыми-практикалық орталығы жаңа «Тіл-қазына» республикалық ақпараттық танымдық газетін көпшілікке таныстырды. Ресми шараны Мәдениет және спорт министрі Арыстанбек Мұхамедиұлы ашты.

ЮНЕСКО-ның Алматыдағы Қазақстан, Қырғызстан, Тәжікстан және Өзбекстан бойынша Кластерлік бюросы ЮНЕСКО мен Нидерландының Мақсатты қорының іс-шарасы «Орталық Азиядағы тарихи қалалық ландшафттарға бағытталған тәсілді енгізу арқылы Түркістандағы Қожа Ахмет Яссауи кесенесін техникалық қолдау» жобасы аясында  жалғасын тапты.

Беттер