Жаңалықтар

Елбасы Н.Ә.Назарбаевтың «Болашаққа бағдар: рухани жаңғыру» мақаласы аясында және ҚР Ұлттық валюта күніне орай «Әзірет Сұлтан» мемлекеттік тарихи-мәдени қорық-музейінің ұйымдастыруымен Қожа Ахмет Ясауи кесенесінде «Тәуелсіздік нышаны - төл теңге» атты көрменің ашылу салтанаты өтті. 

«Әзірет Сұлтан» мемлекеттік тарихи-мәдени қорық-музейі» РМҚК ескерткіштер тізіміндегі Республикалық маңызы бар «Күлтөбе»  қалашығы (І мың жылдық ортасы –ХІҮ ғ.) - Қазақстандағы көне қала орны. Қалашық  Қожа Ахмет Ясауи кесенесінен оңтүстікке қарай 350 м  жерде  орналасқан, сопақша келген, биіктігі 9 м, аумағы 150х120 м ауқымды төбешік.

Түркістан қаласында ҚР Мəдениет жəне спорт министрлігі, «Әзірет Сұлтан» мемлекеттік тарихи-мәдени қорық-музейі, «ТҮРКСОЙ» Халықаралық Ұйымы және Ахмет Ясауи атындағы Халықаралық қазақ-түрік университетінің бірлесуімен «ҚОЖА АХМЕТ ЯСАУИ МҰРАСЫ ЖӘНЕ ТҮРКІСТАН» атты халықаралық ғылыми-практикалық конференциясы ұйымдастырылды.

Конференция жұмысына Түркия, Өзбекстан, Қырғызстан, Моңғолия, Ресей Федерациясы және отандық ғалымдар мен музей ісінің 30-дан аса мамандары қатысты.

Түркия Республикасының Жоғарғы сот төрағасы Исмаил Рюштю Джирит және бас прокуроры Мехмет Акарджа бастаған делегация «Әзірет Сұлтан» мемлекеттік тарихи-мәдени қорық-музейіне келіп, Қожа Ахмет Ясауи кесенесіне зиярат жасады.

Бауырлас түркі елдерінің рухани мекенінде бабалар рухына тағзым жасап, қорық-музейдің тыныс-тіршілігі жəне жəдігерлермен танысып, түрік тілінде мол мағлұмат алған делегация мүшелері киелі өлке құшағында жинақталған əрбір тарихи дүние болашақ түркі елі ұрпақтарының да мақтанышы екендігін жеткізді.

Түркістан қаласында «Әзірет Сұлтан» мемлекеттік тарихи-мәдени қорық-музейінің ұйымдастыруымен «Музейге сый» акциясы өтті.

Елбасы Н.Ә.Назарбаев  «Болашаққа бағдар: рухани жаңғыру» мақаласында: «Ата бабаларымыздан мұра болып қалған кең байтақ жерімізді, тарихи-мәдени құндылықтарымызды, тарихымызды, ізгі қасиеттерімізді сақтап және де жаңғыртуымыз қажет. Өйткені ұрпақ санасында ұлттық рух мәңгі қалуға тиіс» деп, тарихи жəдігерлер маңыздылығы мен қорғау мәселесін баса айтқан болатын.

Түркістан қаласының «Қала күні» және «Алтын күз» мерекелеріне орай, рухани өлке әкімі Ә.Өсербаев «Əзірет Сұлтан» мемлекеттік тарихи-мəдени қорық-музейінің қызметкерлері Абдрахманов Серікбай және Бименов Бақытжанды «Құрмет» грамотасымен, Абдрасилов Берікбайды «Түркістан қаласына сіңірген еңбегі үшін» мерекелік медалімен марапаттады.

Көп жылдық еңбектерін қорық-музейдің тыныс-тіршілігі мен Түркістан қаласындағы тарихи орынға келушілерге қалтқысыз еңбек етуге арнаған əріптестерімізді марапаттарымен шын жүректен құттықтаймыз!

Елбасы Н.Ә.Назарбаевтың «Болашаққа бағдар: рухани жаңғыру» мақаласындағы «Жаһандағы қазақстандық мәдениет» жобасы аясында «Əзірет Сұлтан» мемлекеттік тарихи-мəдени қорық музейі атыраулық жұртшылыққа тарихи мəнге ие ауқымды көрме ұйымдастырды. 
250-ден аса құнды жәдігерлермен жасақталған «Тарихи Түркістан» көрмесі Атырау облыстық тарихи-өлкетану музейіне орналастырылып, салтанатты түрде ашылуы өтті.
Айтулы шараға Атырау облыстық басқарма басшылары жəне жоғары оқу орындарының ұстаздары мен студенттері, қала қонақтары жəне бұқаралық ақпарат құралдарының өкілдері қатысты. 

Беттер